Kamfanin Nokia Ya Sayi Babbar Manhajar “Symbian”
Babbar manhajar wayar salula mai suna “Symbian” ita ce ke gudanuwa a kusan dukkan wayoyin salula na wannan zamani (shekara ta 2008), kuma dukkan kamfanonin kera wayoyin salula suna da lasisin amfani da ita a wayoyinsu. Bayanan dake fitowa daga kamfanin Nokia a halin yanzu shi ne, ya saye kamfanin Symbian gaba daya. Masana na ganin wannan wani kalubale ne ga sauran kamfanonin kera wayoyin salula dake gogayya da Nokia. A sha karatu lafiya.
Shahararren kamfanin nan mai tsarawa da kuma kera babban manhajar wayar salula da ke landan, wato Symbian zai koma hannun kamfanin NOKIA nan bad a dadewa ba. Kamfanin NOKIA ya mallaki wannan kamfani ne sanadiyyar sayan ragowar kashi sittin da biyar na hannun jarin kamfanin, kuma masu lura da harkokin wayar salula da manhajarta na ganin wannan ba karamin yunkuri kamfanin NOKIA yayi ba, wajen mallake kasuwar wayoyin salula a duniya.
Wannan kamfani na Symbian dai aikinsa shi ne gina manhajojin wayoyin salula masu inganci, kuma kafin wannan mamaya da kamfanin NOKIA ya kai masa, shi ne kamfanin da yayi fice wajen samar da kayatattun babban manhajar wayar salula, wato Mobile Phone Operating System a duniya. Domin manyan kamfanonin kera wayar salula irinsu SonyErricsson da Motorola da kamfanin Nokia, duk suna sanya babban manhajarsa cikin wasu daga cikin wayoyin salularsu. Wani abin dawannan kamfani na Symbian ya shahara dashi har way au shi ne, kusan dukkan manyan wayoyin salula na musamman nau’in Black-berry da ire-irensa, duk suna amfani ne da babban manhajarsa.
- Adv -
Wasu daga cikin kayatattun siffofin wannan manhaja ta kamfanin Symbian sun e: samuwar hanyoyin mu’amala da fasahar Intanet, da wasikun Imel da hanyar sadarwa ta Rediyo da Talabijin da hanyoyin taskance hotuna da wakoki da kuma murya, sai tsarin aikawa da kuma karbar sakonni na text, da fasahar sadarwa ta GPRS. Wasu kebantattun hanyoyin mu’amala da wayar salula da wannan manhaja take takama dasu basu faduwa sai mai karatu ya gansu a aikace.
Wannan tasa da dama cikin masu lura da bunkasar wayar salula a duniya ke ganin cewa kamfanin NOKIA na dosar mamaye kasuwar ce gaba daya. Don a yanzu ma dai shi ne a gaba wajen kera ingantattun wayoyin salula a duniya, kuma gashi ya saye kamfani mafi girma, mai gina babban manhajar wayar salular ma gaba daya.
- Adv -
